понедельник, 8 апреля 2019 г.

6 красавіка 2019 года адбылася абласная краязнаўчая навукова-практычная канферэнцыя "Край Гарадзенскі". Віншуем з перамогай Гуцко Таццяну і Пальяноўскага Эдуарда! Юныя даследчыкі прадставілі навукова-даследчую работу "Прапаўшых без вестак вяртаем імёны: памяці воінаў-землякоў". Даследаванне па дадзенай тэме праводзілася на чале навуковага кіраўніка Эйсмант Тамары Іванаўны. Члены журы адзначылі, што даследаванне адпавядае самым высокім патрабаванням і з'яўляецца вельмі актуальным. Работа адзначана  Дыпломам І ступені. 




                                      Гуцко Таццяна і Пальяноўскі Эдуард з членамі журы

пятница, 5 апреля 2019 г.

4 сакавіка музей наведалі ўдзельнікі выязднога пасяджэння прэзідыума Гродзенскага абласнога Савета дэпутатаў. Для гасцей была праведзена экскурсія "Малая Бераставіца, табе ёсць чым ганарыцца !". Госці шчыра дзякавалі за змястоўную экскурсію і адзначылі высокі мастацкі ўзровень афармлення музейнай экспазіцыі і яе напаўнення каштоўнымі экспанатамі.



понедельник, 1 апреля 2019 г.

З 18 па 30 сакавіка ўнародным гісторыка-краязнаўчым  музеі  "Вытокі"прайшла выстава жывапісных работ настаўнікаў школы Мядзелка Н.В. і Мядзелка А.М. Выстава выклікала значны інтарэс. Наведвальнікі выставы выказалі ўдзячнасць таленавітым настаўнікам нашай школы.





На веснавых канікулах наш музей наведалі 340 экскурсантаў.  Аглядныя, тэматычныя экскурсіі і конкурсы былі праведзены для вучняў нашай школы, школ  раёна і вобласці. З вялікім інтарэсам пазнаёміліся з гістарычнай спадчынай Бераставіччыны вучні, настаўнікі і бацькі такіх устаноў адукацыі, як  гімназія № 1 г.Свіслач, гімназіі № 5 і 10 г. Гродна, сярэднія школы № 32, 7 горада Гродна. Вучні пачатковых класаў Вялікабераставіцкай сярэдняй школы наведалі  музей двойчы. 


суббота, 16 марта 2019 г.

Савет музея запрашае наведаць выставу жывапісных работ настаўнікаў школы Мядзелка наталлі Вячаславаўны і Мядзелка Артура Мікалаевіча. Выстава працуе з 18-га па 30 сакавіка. Чакаем вас у музеі з 14.00. да 16.00. гадзін штодзённа.

пятница, 15 февраля 2019 г.

Адкрыццё Памятнага знака землякам


15 лютага адбылося ўрачыстае мерапрыемства, прысвечанае Дню памяці воінаў-інтэрнацыяналістаў і адкрыццё Памятнага знака землякам, удзельнікам вайны ў Афганістане. Воіны-інтэрнацыяналісты нашага раёна, прадстаўнікі грамадскасці і працоўных калектываў Бераставіччыны сабраліся ў дзень 30-годдзя вываду савецкіх войскаў з Афганістана ў нашай школе. Спачатку для прысутных былі праведзены экскурсіі ў народным гісторыка-краязнаўчым музеі "Вытокі", затым удзельнікі мерапрыемства ў актавай зале  ўшанавалі  памяць і подзвіг воінаў-афганцаў. Завяршылася юбілейнае мерапрыемства ўрачыстым адкрыццём Памятнага знака землякам, удзельнікам вайны ў Афганістане 1979-1989 гадоў, які размясціўся на тэрыторыі ў галоўнага ўвахода ў нашу школу. Аўтарам праекта і стваральнікам Памятнага знака з'яўляецца настаўнік працоўнага навучання школы Мядзелка Артур Мікалаевіч, чым мы вельмі ганарымся.





четверг, 14 февраля 2019 г.

Памяць і доўг

З нагоды 30-годдзя вывада савецкіх войскаў з Афганістана ў народным гісторыка-краязнаўчым музеі "Вытокі" адбылася сустрэча са  старшынёй Беларускага Саюза ветэранаў вайны ў Афганістане  Бераставіцкага раёна, воінам-інтэрнацыяналістам  Васіленка Сяргеем Мікалаевічам. Пасля прагляду і абмеркавання дакументальнага фільма, прысвечанага Афганскай вайне, Сяргей Мікалаевіч падзяліўся сваімі успамінамі. Вучні 8-11 класаў задалі Сяргею Мікалаевічу шэраг цікавіўшых іх пытанняў, на якія атрымалі змястоўныя адказы. Падчас сустрэчы вучні атрымалі магчымасць пераканацца ў мужнасці і доблесці воінаў-інтэрнацыяналістаў. Напрыканцы сустрэчы асобныя вучні адзначылі значнасць праведзенай сустрэчы і выказалі падзяку Васіленка С.М.