Памяць і доўг

З нагоды 30-годдзя вывада савецкіх войскаў з Афганістана ў народным гісторыка-краязнаўчым музеі "Вытокі" адбылася сустрэча са  старшынёй Беларускага Саюза ветэранаў вайны ў Афганістане  Бераставіцкага раёна, воінам-інтэрнацыяналістам  Васіленка Сяргеем Мікалаевічам. Пасля прагляду і абмеркавання дакументальнага фільма, прысвечанага Афганскай вайне, Сяргей Мікалаевіч падзяліўся сваімі успамінамі. Вучні 8-11 класаў задалі Сяргею Мікалаевічу шэраг цікавіўшых іх пытанняў, на якія атрымалі змястоўныя адказы. Падчас сустрэчы вучні атрымалі магчымасць пераканацца ў мужнасці і доблесці воінаў-інтэрнацыяналістаў. Напрыканцы сустрэчы асобныя вучні адзначылі значнасць праведзенай сустрэчы і выказалі падзяку Васіленка С.М.

Акцыя "Сэлфі ў музеі"

Савет народнага гісторыка-краязнаўчага музея "Вытокі" падвёў вынікі акцыі "Сэлфі ў музеі".
Віншуем пераможцаў:
у намінацыі "Сэлфі" лепшымі работамі вызначаны здымкі Глушэнь Віалеты, ІХ клас, Хабец Веранікі, V клас;
у намінацыі "Звычайны фотаздымак" перамаглі Лабойка Карына, VІІІ клас і Болбат Ірына, VІІ клас.

Савет народнага гісторыка-краязнаўчага музея "Вытокі" падвёў вынікі акцыі "Мой экспанат у падарунак музею".
Найбольш актыўныя ўдзельнікі акцыі ўзнагароджаны памятнымі сувенірамі.
Гэта Скачкова Анастасія, Чубарых Анастасія, Чубарых Ангеліна, Сіраш Дар'я, Карытца Яўгеній.
Віншуем пераможцаў!

11 мая на базе музея быў праведзены абласны семінар - практыкум для кіраўнікоў музеяў і музейных пакояў устаноў адукацыі Гродзенскай вобласці. Тэмай семінара стала даследчая дзейнасць навучэнцаў сродкамі школьнага музея. Вопытам работы подзяліліся кіраўнік народнага гісторыка-краязнаўчага музея "Вытокі" Эйсмант Т.І. і юная даследчыкі.
Значная ўвага была нададзена практычнай частцы семінара. Для ўдзельнікаў семінара былі арганізаваны аглядная экскурсія, квэст-гульня, віртуальнае падарожжа.

9 мая - урачыстасці ў Дзень Перамогі ў Малой Бераставіцы.

Адкрыццё помніка ў гонар гвардыі палкоўніка Г.Н.Цітаішвілі, камандзіра 250-ай стралковай дывізіі, якая вызваляла Малую Бераставіцу ад нямецка-фашысцкіх захопнікаў. Загінуў смерцю храбрых 14 ліпеня 1944 года падчас вызвалення Малой Бераставіцы.

 

Пачатак мітынгу

Выступленне палітычнага аглядальніка АНТ Тэнгіза Думбадзэ

Савет музея запрасіў пляменніцу камандзіра Г.Н.Цітаішвілі Ціалу Мікалаевну Вільчкоўскую(Цітаішвілі)

 

УВАГА!

Савет народнага гісторыка-краязнаўчага музея “Вытокі”  

запрашае наведаць выставу

“Узнагароды Узброеных Сіл СССР”.

Выстава працуе з 22.02. па 24.02 2018 года.

Чакаем вас у музеі на вялікіх перапынках і з 14.00 да 16.00. гадзін

УВАГА!

Савет народнага гісторыка-краязнаўчага музея "Вытокі" запрашае наведаць 14-17 лютага выставу "Воіны-інтэрнацыяналісты Беларусі - удзельнікі вайны ў Афганістане (1979-1989)"