09.10. "Дзень адкрытых дзвярэй" - гэта выдатная магчымасць пазнаёміцца з гісторыяй малой радзімы для ўсіх, хто цікавіцца адметнасцямі роднага краю.
Сёння гэту магчымасць скарысталі  жыхары аграгарадка Малая Бераставіца, якія наведалі наш музей. Для наведвальнікаў былі праведзеныя аглядныя і тэматычныя экскурсіі.  Экскурсанты выказалі словы падзякі  краязнаўцам школы за захаванне гістарычнай спадчыны.

08.10 Савет народнага гісторыка-краязнаўчага музея “Вытокі” ў рамках тыдня “Музей і дзеці” запрасіў да наведвання выхаванцаў ДУА “Малабераставіцкі яслі-сад”. Для выхванцаў сярэдняй і старэйшай групы юныя экскурсаводы музея Акулевіч Ілона і Макулік Ксенія правялі змястоўную інтэрактыўную экскурсію “Скарбы роднага краю.”

18 сентября  учреждение образование встречало делегацию из Академии пограничной и морской обороны г.Сиань (КНР). Директор школы Куликовская Н.В.  поделилась опытом организации работы клуба "Юные друзья пограничников", который существует в УО более 7 лет. Для гостей был представлен элемент занятия клуба по строевой подготовке.  Особый интерес у гостей вызвало посещение народного историко-краеведческого музея "Вытокі". 

10 верасня музей наведалі ўдзельнікі аддзялення дзённага знаходжання для грамадзян сталага ўзросту ТЦСАН Бераставіцкага раёна. Экскурсаводы музея падрыхтавалі і правялі гісторыка-краязнаўчы экскурс "Бераставіцкаму раёну - 75".
Таксама ў мерапрыемстве прынялі ўдзел падлеткі з аддзялення дзённага знаходжання для інвалідаў.
Экскурсантам вельмі спадабаліся як экскурс, так і музейная экспазіцыя.

Да 75-годдзя вызвалення Беларусі ад нямецка-фашысцкіх захопнікаў
2 ліпеня завяршылася рэканструкцыя раздзела музейнай экспазіцыі "Подзвігу народа жыць у вяках". Першымі наведвальнікамі сталі ўдзельнікі школьнага палатачнага лагера "Краяведы".

У дзень Вялікай Перамогі на нашай Малабераставіцкай зямлі мы сустракалі пачэсных гасцей - Зураба Мікалаевіча Цітаішвілі і Ціалу Мікалаеўну Цітаішвілі (Вільчкоўскую). Пляменнікі гвардыі палкоўніка Геронція Несцеравіча Цітаішвілі прынялі ўдзел ва ўрачыстасцях, прысвечаных Дню Перамогі і 75- годдзю вызвалення Беларусі ад нямецка-фашысцкіх ворагаў. Падчас інтэрв'ю, якое яны далі палітычнаму аглядальніку АНТ Тэнгізу Думбадзе, родныя Г.Н.Цітаішвілі выказалі вялікую падзяку калектыву Малабераставіцкай СШ, жыхарам нашага аграгарадка за ўшанаванне памяці аб гвардыі палкоўніку Г.Н.Цітаішвілі.

6 красавіка 2019 года адбылася абласная краязнаўчая навукова-практычная канферэнцыя "Край Гарадзенскі". Віншуем з перамогай Гуцко Таццяну і Пальяноўскага Эдуарда! Юныя даследчыкі прадставілі навукова-даследчую работу "Прапаўшых без вестак вяртаем імёны: памяці воінаў-землякоў". Даследаванне па дадзенай тэме праводзілася на чале навуковага кіраўніка Эйсмант Тамары Іванаўны. Члены журы адзначылі, што даследаванне адпавядае самым высокім патрабаванням і з'яўляецца вельмі актуальным. Работа адзначана  Дыпломам І ступені. 

                                      Гуцко Таццяна і Пальяноўскі Эдуард з членамі журы